1.
Wees seker van jou geloof! Wat is jou enigste troos in lewe en in
sterwe?
Antw. Dat ek met liggaam en siel in lewe in in
sterwe nie aan myself nie, maar aan my getroue Verlosser, Jesus Christus
behoort. Hy het met sy kosbare bloed
vir al my sonde ten volle betaal en my
uit alle heerskappy van die duiwel verlos.
Hy bewaar my op so ‘n wyse dat sonder die wil van my Hemelse Vader,
geen haar van my kop kan val nie.
Alles moet inderdaad tot my saligheid dien. Daarom verseker Hy my ook deur sy Heilige
Gees van die ewige lewe en maak Hy my van harte gewillig en bereid om voortaan
vir Hom te lewe.
(Heidelbergse
Kategismus)
|
|
2.
Vind vreugde in die Here se Woord, dink daaroor na en memoriseer dit! – Ps. 1 “Dit gaan goed met die mens wat vreugde vind in die
gebooie van die Here en sy voorskrifte dag en nag oordink…..”
|
|
3.
Bid oor alles! – Fil. 4:6-7 “Moet oor niks bekommerd wees nie, maar bid oor
alles. Vra alles wat julle nodig het
van God, terwyl julle Hom ook dank vir alles wat Hy doen. As julle so bid sal julle God se vrede
beleef.”
|
|
4.
Stry teen sonde in jou lewe!
– Rom.
6:11-13 – “Moenie toelaat dat sonde jul lewens beheer nie…..julle is betrokke
in ‘n geestelike oorlog. Moenie jul liggaamlike vermoëns as wapens
van ongeregtigheid vir sondaars beskikbaar stel nie, maar stel dit aan God
beskikbaar as wapens van geregtigheid…”
Stry as vrygespreekte sondaar! Miga 7:8-9 “Ek het geval,
maar sal weer opstaan….Hy sal weer lig in my lewe bring.” Ps. 51:14 “Laat my weer blydskap ervaar van
iemand wat deur U verlos is…”
|
|
5.
Aanvaar vreugde in die Here
as ‘n geskenk van God! - Gal. 5:22 “Die vrug van
die Gees is liefde, vrede, vreugde….”
|
|
6.
Volhard in geloof! - 2 Tim. 4:7 “Ek het die
goeie stryd gestry, ek het die wedloop voltooi en ek het gelowig gebly.”
|
|
7.
Verheerlik die Here deur na
jou liggaam om te sien! - Kry rus, oefening en regte dieet waarvoor
die Here jou liggaam gemaak het. 1 Kor. 6:20 “ want julle is teen ‘n duur
prys gekoop. Daarom moet julle God met
julle liggaam verheerlik.
Verwonder jou
in God se openbaringe in die natuur en
prys Hom daarvoor Matt. 6:30 “As God dan die veldplante wat
vandag daar is en môre verbrand word, so mooi aantrek, hoeveel te meer sal Hy nie vir
julle sorg nie?”
|
|
8.
Preek vir jouself i.p.v.
luister na jouself! - Ps. 42:6&12 “Hoekom is
ek nou so mismoedig? Hoekom is ek so hewig ontsteld? Nee, ek plaas my hoop op
God! Ek sal Hom weer prys. Hy is my
redder en my God!”
|
|
9.
Spandeer tyd met
Geesvervulde mense en lees geestelike boeke veral biografieë van gelowiges! - Spr. 13:20 “Hy wat met
wyse mense meng, verkry self ook wysheid.
Meng jou met dwase en jy word self soos hulle.”
(Augustine Bookroom
www.augustine.co.za)
|
|
10.
Wees tot ‘n seën vir ander omdat die Here jou seën! - Ps. 67:1-3 “Mag God ons
genadig wees en ons seën, mag Hy tot ons redding verskyn, sodat Sy
dade oor die wêreld heen bekend mag word, sy reddende krag onder alle nasies”
|
Neem tyd om die 10 punte
deur te werk en merk af nadat jy vir die Hemelse Vader gevra het om jou daarmee
te help!
No comments:
Post a Comment