PSALM 23

My man het met ons familie-naweek met ons oggenddiens Ps. 23 as volg verduidelik:    

Die Psalmdigter het teruggekyk en besef  God  het vir hom soos ‘n Herder versorg  in die dae wat dit goed gegaan het – groen weivelde.  In die moeilike dae het sy Herder vir hom nuwe krag gegee   en hom op die regte paaie gelei.

In die lig van die Herder se goeie leiding in voorspoed en teenspoed, kan hy die toekoms in die Herder se hande gee en Hom volkome vertrou – selfs al moet hy deur die doodsvallei gaan!   

Hierdie Psalm volg op Psalm 22 wat die Psalm van die Kruis genoem word, waar die Psalmdigter uitroep: “My God, my God waarom het U my verlaat” – wat dui op Jesus se woorde aan die kruis.

Eers wanneer ek Jesus se vryspraak in my lewe ervaar, ervaar ek Psalm 23 se vreugde en vrede!

Die Psalmdigter wys ons in hierdie 6 verse op:

Vers 1    volmaakte tevredenheid – Herder versorg

Vers 2     rus en stilwees – Herder lei na waters van rus

vers 3     leiding en herstel – Herder help in moeilike tye

vers 4     volkome vertroue – Herder is betroubaar

 vers 5    toewyding en vreugde – Herder bederf

vers 6     toekoms visie – Herder is ook my Redder en wegbereider na ewigheid 

My Herder is:

Met my – my Herder

onder my – groen weivelde

langs my – waters waar rus is

voor my – die tafel

rondom my – beskerm my teen vyande

volg my –  met Sy goedheid en guns

voor my – die huis van die Here wat wag tot in ewigheid 

In Psalm 23 word ‘n hele paar van God se name geïllustreer:

Jehovah-Rohi – die Here is my Herder – vs. 1

Jehovah-Jireh – die Here sal voorsien –vs. 1

Jehovah – Shalom – die Here gee vrede –vs. 2

Jehovah-Rophi – die Here wat genees –vs. 4

Jehovah-tsidkenu – die Here is geregtigheid– vs. 3

Jehovah-shammah - die Here is daar -  vs. 4

Jehovah-nissi – die Here is my banier – vs 6

Jahweh-Mekaddishkem – Die HERE wat ons heilig van sonde tot toewyding aan Hom – vs. 6

 

Spurgeon sê van Psalm 23:  “This is the pearl of Psalms whose soft and pure radiance delights every eye……….its sweetness and its spirituality are unsurpassed.”