Baie mense gebruik ‘n koerant net vir een
rede – nl. om dit te lees. Kom ek sê
vir julle waarvoor julle koerante nog kan gebruik: (Soos jy vir kinders vertel, kan jy die
koerant vou en gebruik vir die verskillende voorwerpe)
·
Jy kan vir jou ‘n hoed
daarvan maak as jy dit reg vou
·
jy kan vir jou ‘n
voorskoot maak daarvan
·
jy kan dit vir ‘n
tafeldoek of ‘n servet gebruik
·
Jy kan sit daarop
·
jy kan jou gesig toemaak
as jy buite wil lê en slaap sodat die son jou nie bykom nie
·
jy kan dit gebruik vir
‘n sambreel
·
as jy dit dubbel vou kan
jy dit vir ‘n vlieëslaner gebruik
·
Jy kan balle daarvan
maak en oefen om dit in ‘n mandjie te gooi
·
Jy kan dit gebruik vir
‘n kombers in die koue weer
·
Jy kan kos daarmee warm
hou as jy dit oor ‘n houer kos vou
·
Jy kan gevriesde kos
daarmee koud hou, ens. ens.
(was
net jou hande goed nadat jy die koerant gebruik het, want dit maak ‘n mens se
hande baie vuil!)
As
daar so baie maniere is waarop ‘n koerant gebruik kan word, hoeveel te meer kan
jy gebruik word om die Here te dien en Sy Koninkryk uit te brei.
Kom ons dink aan maniere en dan kan jy self
verder dink:
·
Nooi ‘n vriend kerktoe
·
vertel vir ander mense
van Jesus
·
gee ‘n traktaatjie aan
iemand wat nog nie vir Jesus ken nie
·
help jou ouers met
takies in die huis
·
wees gehoorsaam aan die
Here en aan jou ouers, want dit is ‘n gebod van God
·
wees ‘n vriend of
vriendin vir iemand by die kerk of skool wat nie maats het nie
·
herinner jou ouers
daaraan om gereeld huisgodsdiens te hou
·
Bid gereeld en praat met
jou Hemelse Vader en vra dat Hy jou moet help om die Koninkryk te laat kom in
jou hart, in jou omgewing, in jou land en in die wêreld
·
Lees gereeld jou Bybel
en memoriseer Bybelverse
Die mense lees jou lewe soos ‘n koerant – wees
soos ‘n koerant met die Goeie Nuus van Jesus Christus wat gesterf het sodat die
God se Koninkryk kan uitbrei! (2 Kor. 3:3 "Julle is 'n brief van Christus")
No comments:
Post a Comment